Ussay kaho milne ki ab dua na kare..

[Muhammad_Ali]

Ussay kaho milne ki ab dua na kare,
Guzar gaye hain jo lamhe unhe haraa na kare,
Mujhe bhi khawb ke sehraa main ab nahin rehna,
Ussay kaho ke khawbon se ab wafaa na kare,
Agar mile to khuloos-o-wafa sath ho uss ke,
Woh darmiyaan main koi maslaa anaa na kare,
Dilon ke dard hamesha hi risste rehte hain,
Jo saamne to rahe hai magar gilaa na kare,
Tumhare naam ki tasbeeh yeh kab se karta hai,
Mera yeh dil ke koi kaam ab kiyaa na kare,
Main apne naam se roshan rahoon ga duniya main,
Ussay kaho ke meri jaanib koi diyaa na kare..

[FARRUKH]

Kabhi Ulfat Bhara Lehja Kabhi Utra Huwa Chehra,

Samajh Main Kuch Nahin Aata Bata Mera Gunah Kiya Hai,

Meri Uljhan Mita To De Mujhe Itna Bata To De,

Main Mujrim Hoon Ya Mehram Hoon Saza Kiya Hai Jaza Kiya Hai,

Meri Sansain To Chalti Hain Teri Yadon Se Aye Humdam,

Nahin Fursat K Ye Sochoon Fana Kiya Hai Baqa Kiya Hai,

Mera Ye Dil Meri Dharkan Meri Sansain Ye Jaan "aadi"

Ye Sab Kuch Naam Tere Hain Bata Peechay Bacha Kiya Hai.

[Dr.Timor]

Ary Wah yaha to Shehr O Shaheery Chalta Mujeh to nahi Aata Magar Ek Gadi per ye sher lekha tha :

Teri Sadagi meh intna Husn hai *** Tera Singaar kesa hoga

Teri ghossi Esi hai *** Tera Pyar kesa hoga

HAHAAHHHHAHAHH


Sorry

[FARRUKH]

Ary Wah yaha to Shehr O Shaheery Chalta Mujeh to nahi Aata Magar Ek Gadi per ye sher lekha tha :

Teri Sadagi meh intna Husn hai *** Tera Singaar kesa hoga

Teri ghossi Esi hai *** Tera Pyar kesa hoga

HAHAAHHHHAHAHH


Sorry

[Muhammad_Ali]

Shaam-e-firaaq ab na puuch aayi aur aa ke ttal gayi,
Dil tha ke phir behhal geya jaan thi ke phir sambhal gayi,
Bazm-e-khayal main tere husn ki shamma jall gayi,
Dard ka chaand bujh geya hijr ki raaat dhhal gayi,
Jab tujhe yaad kar liya subh mehak mehak uthi,
Jab tera gham jagaa liya raat machal machal gayi,
Dil se to har maamla kar ke chale they saaf hum,
Kehne main un ke saamne baat badal badal gayi,
Akhir-e-shab ke hum safar ‘faiz’ na jaane kya huye,
Reh gayi kis jagah sabaa subh kidar nikal gayi..

[Muhammad_Ali]

Ab andheron main jo hum khauf-zada bethe hain,
Kya karen khud hi chiraaghon ko bhuja bethe hain..