چاند
-
umerfarooq
- Senior Registered Member
- Posts: 575
- Joined: 16 Jan 2014, 7:24 pm
چاند
پُورا دکھ اور آدھا چاند
ھجر کی شب اور ایسا چاند
دن میں وحشت بہل گئی تھی
رات ھوئی اور نکلا چاند
کس مقتل سے گزرا ھو گا
اِتنا سہما سہما چاند
یادوں کی آباد گلی میں
گھوم رھا ھے تنہا چاند
میری کروٹ پر جاگ اُٹھے
نیند کا کتنا کچا چاند
میرے مُنہ کو کس حیرت سے
دیکھ رھا ھے بھولا چاند
اِتنے گھنے بادل کے پیچھے
کتنا تنہا ھو گا چاند
آنسو روکے نُور نہائے
دل دریا، تن صحرا چاند
اِتنے روشن چہرے پر بھی
سُورج کا ھے سایا چاند
جب پانی میں چہرہ دیکھا
تو نے کِس کو سوچا چاند
برگد کی ایک شاخ ہٹا کر
جانے کس کو جھانکا چاند
بادل کے ریشم جھُولے میں
بھور سمے تک سویا چاند
رات کے شانوں پرسر رکھے
دیکھ رھا ھے سپنا چاند
سُوکھے پتوں کے جھُرمٹ پر
شبنم تھی یا ننّھا چاند
ھاتھ ھلا کر رخصت ھو گا
اُس کی صُورت ھجر کا چاند
صحرا صحرا بھٹک رھا ھے
اپنے عشق کا سچا چاند
رات کا شاید ایک بجا ھا
سوتا ھو گا میرا چاند
"پروین شاکر"
Who is online
Users browsing this forum: 
Claude [Bot], 
Yandex [Bot] and 2 guests